Кино — келажакнинг нурли йўли

Ўзбекистон Миллий кино санъати саройида ўзбек киноижодкорларининг «Кино — келажакнинг нурли йўли» ижодий форуми  бўлиб ўтди. Унда 400 дан ортиқ кино санъати вакиллари иштирок этди. Жумладан, Ўзбекистон халқ артистлари Ражаб Адашев, Ёдгор Садиев, Гавҳар Зокирова, Теша Мўминов каби санъат дарғалари, шу билан бирга, Қамара Камалова, Элёр Ишмуҳаммедов, Али Ҳамроев, Ҳамидулла Ҳасанов, Зулфиқор Мусоқов, Дилмурод Масаидов, Музаффархон Эркинов каби режиссёрлар, дубляж актрисаси Мукамбар Раҳимова, таниқли кино актёр ва актрисалар, мутахассислар қатнашди.