Самарқандда "Баҳодир Ялангтўш" фильминг илк катта премераси бўлиб ўтди

Самарқанд шаҳридаги "Мўъжиза" амфитеатрида Кинематография агентлиги буюртмасига биноан суратга олинган “Баҳодир Ялангтўш” тарихий бадиий фильмининг премераси ўтказилди. Фильм Самарқанд вилояти ҳокимлиги билан ҳамкорликда “Эзгу фильм” студияси томонидан суратга олинган. 

Сенарий муаллифлари Ҳасан Тошхўжаев ва Жаҳонгир Аҳмедов, режиссёр Жаҳонгир Аҳмедов, операторлар Иван Соломатин, Иззатилла Лутфуллаев, продюсер Зафар Йўлдошев. Фильмда Ўзбекистонда хизмат кўрсатган артистлар Матёқуб Матчонов, Боир Холмирзаев, Бекзод Муҳаммадкаримов, Тоҳир Саидов каби маҳоратли актёрлар рол ижро қилган. Баҳодир Ялангтўш образини таниқли актёр Ҳабибулло Низомов гавдалантирган.

Кинокартинада буюк сардор, Регистон мажмуаси бунёдкори, Самарқандга ҳокимлик қилган саркарда Баҳодир Ялангтўшнинг ҳаёт йўли ва фаолияти ҳикоя қилинади.